Молитва о восстановлении Православного

Царства Российского.

Господи Боже наш, приими молитву нашу о Церкви Твоей Святей приносимую, о всех людех Твоих, ихже искупил еси честною Твоею Кровию. Приими молитву сию о благоверных Царех и Царицех, Князех и Княгинех, епископех и священницех, монасех и бельцех, воинех и младенцех, за веру и Царство Православное подвизавшихся, наипаче же от лютых безбожник умученных. И молитвами их сокруши и разори жертву беззаконную, на земли Российстей бесовом приносимую, и даруй нам на последняя времена Царя Самодержавного и Православное Царство его в щит и ограждение, и сохранение, и спасение. Помяни ны и вся люди Твоя, отцы и братию нашу о возстановлении Царства Православнаго подвизающихся, и укрепи силою Духа Твоего Святаго во брани до конца претерпети и устояти, и венцев небесных сподобитися. Твое бо есть еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно и вовеки веков. Аминь.